முகநூல் முகமூடிகளே! - வ.ந.கிரிதரன் -

முட்டி மோதுகின்றார் முகநூலில்.

முகமூடிகள் அணிந்து வந்தும் 

முட்டி மோதுகின்றார்.

முகமூடி அணிந்தால் 

முகத்தை மறைக்கலாம் மூடர்களே!

மனத்தை மறைக்க முடியாது.

மதிகெட்ட மூடர்களால் நிறைந்து கிடக்கின்றது

முகநூல்.

முட்டாள்களுக்குக் கருத்துச் சுதந்திரம்

கசக்கும் பாகற்காய்.

கசக்கும் பாகற்காய் 

உடல் நலத்துக்கு நன்மை தரும்.

உள நலத்துக்கும்தான்.

மூடர் இவர் இதை அறியார்.

மூடர்களே! உங்களுக்கு என் 

முகநூற் பக்கத்தில் இடமில்லை.

முகநூலில் முகங்காட்டி வாருங்கள்.

முகம் மலர்ந்து வரவேற்பேன்.

மாற்றுக் கருத்துகளை

மனம் மகிழ்ந்து ஏற்பேன்.

முகமூடியில் வந்து துள்ளிக் குதித்தால்

மூடர்களே! உங்களுக்கு என்

முகநூலில் இடமில்லை.

முகம் மறைத்து 

மன வக்கிரம் காட்டுவதற்கு என்

முகநூல் நீங்கள் விளையாடும்

களமல்ல. உம் 

களத்தில் புகுந்து விளையாடுங்கள். என்

களத்தில் அல்ல.

சுருட்டுச் சுப்பர் பாடுகின்றார்: "வந்தது தெரியும் போவது எங்கே வாசல் நமக்கே தெரியாது"

முகநூலில் நாளும் பொழுதும் வெளியாகும் இழப்புச் செய்திகளால் சுருட்டுச் சுப்பருக்கு இப்பொழுதெல்லாம் சுடலை ஞானம் வந்து விட்டது.

சுருட்டுச் சுப்பருக்கு இவ்விதமான சமயங்களில் துணை வருவது கவிஞர் கண்ணதாசனின் பாடல்கள்தாம். போத்தல் பனங்கள்ளை அடித்துக்கொண்டு, சுருட்டை ஊதிப் புகையை விட்டவாறு பாடுகின்றார்:

"வந்தது தெரியும் போவது எங்கே

வாசல் நமக்கே தெரியாது

வந்தவரெல்லாம் தங்கிவிட்டால் இந்த

மண்ணில் நமக்கே இடமேது?"

[மது அருந்துதல், புகை பிடித்தல் உடலுக்குத் தீங்கு விளைவிக்கும்]

சுருட்டுச் சுப்பர் பாடுகின்றார்: "மயங்க வைத்த கன்னியர்க்கு மணம் முடிக்க இதயமில்லை"

தன் இளம்பருவத்தின் நிறைவேறாக் காதலை எண்ணிச் சுருட்டுச் சுப்பர் பாடுகின்றார்:

"மயங்க வைத்த கன்னியர்க்கு

மணம் முடிக்க இதயமில்லை

நினைக்க வைத்த கடவுளுக்கு

முடித்து வைக்க நேரமில்லை"

சுருட்டுச் சுப்பர் பாடுகின்றார்: "யு டியூப்பில் பார்ப்பதும் பொய். ரீலில் பார்ப்பதும் பொய். தீர விசாரிப்பதே மெய்."

வ.ந.கிரிதரனின் தமிழ்ப் பாடல்களுக்கான "யு டியூப் சானல்' (V.N.Giritharan's Tamil Songs - Youtube Channel)

இங்கு செயற்கை நுண்ணறிவு மூலம் இசையமைக்கப்பட்டு , குரல் கொடுத்துப் பாடப்பட்ட எனது பாடல்களக் கேட்டு மகிழலாம். சில பாடல்களை எனது சொந்தக் குரலைப் பாவித்துச் செயற்கை நுண்ணறிவு பாடியுள்ளது என்பதுவும் குறிப்பிடத்தக்கது.

பாடல்களைக் கேட்டு மகிழுங்கள். பிடித்திருந்தால் 'சானலைச் சப்ஸ்கிரைப்' (Subscribe) செய்யுங்கள். கருத்துகளைப் பகிர்ந்து கொள்ளுங்கள்.

https://www.youtube.com/@girinav1

வ.ந. கிரிதரன் பாடல் வரிகள் : நட்சத்திரத் தோழியரே. இசை & குரல் - SUNO 5.5. ஓவியம் : ஜெமினி AI

வ.ந. கிரிதரன் பாடல் வரிகள் : நட்சத்திரத் தோழியரே. இசை & குரல் - SUNO 5.5. ஓவியம் : ஜெமினி AI நட்சத்திரத் தோழியரே. நட்சத்திரத் தோழியரே. படுக்கையில் புரண்டு கிடக்கின்றேன். விரிவானத்து நட்சத்திரத் தோழியரே. தூக்கமின்றித் தவிக்கின்றேன். என்னவன் நினைவாலே. என்னவன் நினைவாலே. நீள்விழியாள் என்றெனை அழைத்தான். நிம்மதியாய் இரு என்றான். நீயின்றி நானில்லை என்றான். சொன்னவன் இன்று இங்கில்லை. நெடுந் தொலைவு சென்று விட்டான். எங்கு சென்றான் நானறியேன்.

எழுத்தாளர் நாரண துரைக்கண்ணனின் (ஜீவா) புகழ்பெற்ற நாவல் 'உயிரோவியம்'

எழுத்தாளர் நாரண துரைக்கண்ணனின் (ஜீவா) புகழ்பெற்ற நாவல் 'உயிரோவியம்' . நாற்பதுகளில் பிரசண்ட விகடனில் தொடராக  வெளியானபோதே மிகுந்த வரவேற்பைப் பெற்ற நாவல்.  'ஆனந்தபோதினி 'பத்திராதிபர் நா.முனிசாமி முதலியாரால் 1942இல்  நூலாக வெளியிடப்பட்டது.

இந்த நாவலை நான் முதன் முதலில் ராணிமுத்து பிரசுரம் வெளியான அதன் ஆரம்பகாலத்துப் பிரசுரங்களில் ஒன்றாக வாசித்திருக்கின்றேன். தூய உள்ரீதியான உண்மைக்காதலை, இலட்சியக் காதலை  மையமாக வைத்து உருவான நாவல். இந்நாவல் ஏற்படுத்திய தாக்கத்தை பின்னர் எழுதிய அகிலன், நா.பார்த்தசாரதி போன்றோரின் எழுத்துகளில் காணலாம். அகிலனின் சித்திரப்பாவை, சிநேகிதி, நா.பாவின் குறிஞ்சி மலர், பொன்விலங்கு போன்ற நாவல்களை உதாரணங்களாகக் குறிப்பிடலாம். புஷ்பா தங்கதுரையின் (ஸ்ரீ வேணுகோபாலன்) 'ஒரு ஊதாப்பூ கண் சிமிட்டுகிறது' சிறு மாற்றங்களுடன் கூடிய , இந்நாவலின் அப்பட்டமான தழுவல்.

ஈழத்து சிறுகதை பகுப்பாய்வு ( 05) : வ.ந.கிரிதரனின் ‘ஆத்மாவின் புத்துயிர்ப்பு!’ - காலப் பேரழிவு, இருத்தலியல் மீறல் மற்றும் பின்நவீனத்துவ அறிவியல் புனைகதை! - ஏ.எச்.எம்.நவாஷ் (ஈழக்கவி) -

“எவ்வளவு மாசுபடுத்த முடியுமோ அவ்வளவுக்கு மாசுபடுத்தப்பட்டு விட்டது இந்த அழகிய நீல வண்ணக் கோள்... மானுட வரலாற்றில் மிகப்பெரியதொரு பாய்ச்சலை நிகழ்த்திக் காட்டவுள்ளார் ஆத்மாநாம்.”  — வ.ந.கிரிதரன், ‘ஆத்மாவின் புத்துயிர்ப்பு!’ (2005)

 1. அறிமுகம்:

எதிர்காலத்தின் நிழலும் அறிவியலின் அகந்தையும்

வ.ந.கிரிதரனின் ‘ஆத்மாவின் புத்துயிர்ப்பு!’ உரைபடைப்பு, தமிழ் அறிவியல் புனைகதை (Tamil Science Fiction) தளத்தில் வெறும் தொழில்நுட்ப நுட்பங்களை விவரிக்கும் கதையாக அமையாமல், ஆழமான தத்துவார்த்தக் கேள்விகளையும் சூழலியல் அறவியலையும் எழுப்பும் ஒரு முன்னோடிப் படைப்பாகத் திகழ்கிறது. கி.பி. 3025 ஆம் ஆண்டினைப் பின்னணியாகக் கொண்ட பிரதியை, ஒப்பீட்டு இலக்கியம் மற்றும் பண்பாட்டு விமர்சனப் பாணியில் (Ecocriticism, Existentialism, and Science & Technology Studies) பகுப்பாய்வு செய்வதை நோக்கமாகக் கொண்டுள்ளது இக்கட்டுரை.

இருபத்தோராம் நூற்றாண்டின் தொடக்கத்திலிருந்து உலக இலக்கிய வெளியில் அறிவியல் புனைகதைகள் (Science Fiction) வெறும் தொழில்நுட்பச் சாதனைகளின் கற்பனைப் பெட்டகங்களாக மட்டும் இயங்கவில்லை; மாறாக, அவை மனிதகுலத்தின் தார்மீக வீழ்ச்சியையும் எதிர்காலச் சூழலியல் பேரழிவுகளையும் முன்னறிவிக்கும் தத்துவார்த்த எச்சரிக்கைக் குரல்களாக உருமாறியுள்ளன. தமிழ் இலக்கியச் சூழலில், வ.ந.கிரிதரனின் ‘ஆத்மாவின் புத்துயிர்ப்பு!’ சிறுகதை இந்த உலகளாவிய மாற்றுப் பார்வையின் மிக முக்கியமான மைல்கல்லாகத் திகழ்கிறது. கி.பி. 3025 ஆம் ஆண்டின் வறண்ட நிலப்பரப்பை களமாகக் கொண்ட இப்படைப்பு, தொழில்நுட்பத்தின் உச்சக்கட்ட வளர்ச்சி மனிதனை விடுவிக்கிறதா அல்லது அவனது ஆன்மீக மற்றும் உயிரியல் இருப்பை முற்றிலுமாகத் துடைத்தெறிகிறதா என்ற ஆழமான வினாவை எழுப்புகிறது.

(மீள்பிரசுரம்) அறிவியற் சிறுகதை: 'ஆத்மாவின் புத்துயிர்ப்பு!' - வ.ந.கிரிதரன்

 - கி.பி.3025இல் ஒருநாள்.

- பொழுது மெல்லப் புலர்ந்தது சேவல்களினது பறவைகளினதோ ஒலிகளேதுமில்லாமலே.

- கி.பி. 2800 அளவிலேயே இந்த நீலவண்ணக் கோளிலிருந்து உயிரினங்கள் அனைத்தும் ,றறிவு போட்ட குதியாட்டத்தில், மனிதனைத் தவிர அழிந்தொழிந்து போய் விட்டன.

- ஒரு சில விருட்ச வகைகளே எஞ்சியிருந்தன.

- மனிதர்கள் மாத்திரை உணவு வகைகள் பாவிக்கத்தொடங்கி மூன்று நூற்றாண்டுகளைத் தாண்டி விட்டிருந்தன.

- இதற்கிடையில் ஏனைய உயிரினங்களுக்கு ஏற்பட்ட நிலை மனித இனத்துக்கும் ஏற்படும் காலம் வெகு அண்மையில், ஒரு நூற்றாண்டு காலத்துக்குள், அண்மித்து விட்டது. மனிதர்கள்

ஆயிரம் வருடங்களுக்கு முன்னிருந்த பூமியின் நிலையினையொத்த கோளமொன்றினைக் காண்பதற்கான தேடுதலை விரைவுபடுத்த வேண்டிய தேவையிலிருந்தார்கள்.

- கதிரவன் 'சிவப்பு அரக்கன்' நிலைக்கு வருவதற்கு இன்னும் பல பில்லியன் வருடங்களிருந்தன. அதுமட்டும் மனித இனம் இங்கிருக்க முடியாத நிலையினை மானுட இனம் ஏற்படுத்தி விட்டது.

- எவ்வளவு மாசுபடுத்த முடியுமோ அவ்வளவுக்கு மாசுபடுத்தப்பட்டு விட்டது இந்த அழகிய நீல வண்ணக் கோள்.

பதிவுகள் இணைய இதழ்மேல் பற்று வைத்திருந்த கலை, இலக்கியத் திறனாய்வாளர் வெங்கட் சாமிநாதன்! வெளிப்படுத்தும் மின்னஞ்சல்கள்! - வ.ந.கிரிதரன் -

கலை, இலக்கியத்திறனாய்வாளர் வெங்கட் சாமிநாதன்

எழுத்தாளரும், கலை, இலக்கியத்திறனாய்வாளருமான வெங்கட் சாமிநாதன் அவர்களுடனான தொடர்பினை எனக்கு ஏற்படுத்தித் தந்தது பதிவுகள் இணைய இதழ்தான்.  பத்து வருடங்களுக்கும் அதிகமாக ம், அவர் மறையும் வரை அவர் பதிவுகள் இணைய இதழுக்கு எழுதிக்கொண்டிருந்தார். அவரது நினைவு அவ்வப்போது தோன்றி மறைவதுண்டு. இன்றும் அவ்விதமே தோன்றியது. அப்போது என் மின்னஞ்சல்களில் அவர் எழுதியவற்றை மீண்டும் பார்த்தேன். 

அவரது மின்னஞ்சல்கள் எவ்வளவுதூரம் அவர் பதிவுகள் இணைய இதழ்மேல் மதிப்பை வைத்திருந்தார் என்பதை  எடுத்தியம்பின. இவரைப்போல் நான் சிறுவயதில் அறிந்து வியந்த கலை, இலக்கிய ஆளுமைகள் பலருடன் எனக்குத் தொடர்பினை ஏற்படுத்தித் தந்தது பதிவுகள் இணைய  இதழே.

வ.ந. கிரிதரன் பாடல் வரிகள் : கண்ணம்மா, என் கண்ணில் உன்தோற்றம் இசை , குரல் & ஓவியம் : ஜெமினி AI

வ.ந. கிரிதரன் பாடல் வரிகள் : கண்ணம்மா, என் கண்ணில் உன்தோற்றம் இசை , குரல் & ஓவியம் : ஜெமினி AI கண்ணம்மா, என் கண்ணில் உன்தோற்றம் எண்ணத்தின் விளைவா? இல்லையா கண்ணே! பொருளென்று ஒன்றும் இல்லை என்றுகூறும் பவுதிகத்தின் வழிநின்று பார்த்தால் கண்ணே! அடிப்படைத் துணிக்கைகளும் சக்தியன்றோ கண்ணம்மா! சக்தியின் நாட்டியமா நம்மிருப்பும் கண்ணம்மா! சக்தியைப் பொருளெனப் பார்க்கும் அந்தகரா நாம்! சொல்லம்மா என் கண்ணம்மா! சொல்லம்மா! நாமிருவர் வேறல்ல ஒன்றுகலந்த சக்தியன்றோ! சக்தி கலந்தநிலை காலவெளியா கண்ணம்மா!

எழுத்தாளருர் இரா.முருகன் மறைந்தார்!

எழுத்தாளரும் , என் முகநூல் நண்பர்களில் ஒருவருமான இரா.முருகன் மறைந்த செய்தியினை முகநூல் தாங்கி வந்தது. வழக்கம்போல் முகநூல் தாங்கி வந்த எதிர்பாராத இழப்புச் செய்தி. ஆழ்ந்த இரங்கல்.

'பதிவுகள்' இணைய இதழின் ஆரம்பக் காலத்தில் தமிழகத்து எழுத்தாளர்கள் பலருடன் தொடர்பு ஏற்பட்டது. அவர்களில் இரா முருகனும் ஒருவர். இவரது எழுத்தை முதலில் நான் அறிந்து கொண்டது, தொண்ணூறுகளில், ஸ்நேகா பதிப்பகம் வெளியிட்ட இவரது கணனி பற்றிய நூலொன்றின் மூலம். அப்போது என் நூல்களிரண்டையும் ஸ்நேகா பதிப்பகம் வெளியிட்டிருந்தது.

வ.ந. கிரிதரனின் பாடல் வரிகள்: மனத்தை மயக்கும் இந்தநிலா! இசை , குரல் & ஓவியம் : ஜெமினி AI

வ.ந. கிரிதரனின் பாடல் வரிகள்: மனத்தை மயக்கும் இந்தநிலா! இசை , குரல் & ஓவியம் : ஜெமினி AI உயரத்தில் தெரியும் இந்தநிலா. துயரத்தைத் தணிக்கும் இந்தநிலா. ஆதி மானுடர் அண்ணாந்து பார்த்த இந்தநிலா அரிஸ்டாட்டில் அன்று பார்த்தநிலா. கவிஞர் பலர் கற்பனையில் திளைக்கும்நிலா. புவியில் காதலர் களிக்கும் இந்தநிலா. உயரத்தில் தெரியும் இந்தநிலா. துயரத்தைத் தணிக்கும் இந்தநிலா.

பாடல்: காலவெளி! பாடல் வரிகள் - வ.ந.கிரிதரன் இசை, குரல் & ஓவியம் - Google Gemini AI

பாடல்: காலவெளி! பாடல் வரிகள் - வ.ந.கிரிதரன் இசை, குரல் & ஓவியம் - Google Gemini AI பாடல்: காலவெளி! பாடல் வரிகள் - வ.ந.கிரிதரன் காலவெளி நாமன்றோ கண்ணா. காலவெளி நாமன்றொ கண்ணா.

கவிதை: செயற்கை எழுத்தாளர்கள்! - வ.ந.கிரிதரன் -

ஒரு பந்தி எழுத்துப் பிழை இல்லாமல்
எழுத முடியாதவர்
எழுதுகின்றார் பக்கம் பக்கமாக,
எழுத்துப்பிழை இல்லாமல்
எழுதுகின்றார்.

எண்ணிக்கையற்று எழுதுகின்றார்.

எண்ணிக்கையற்ற பக்கங்களில் எழுதுதால்
இவர்கள் நினைக்கின்றார்கள்
இப்படி எழுதி விட்டால்
இவர்கள் எழுத்தாளர்கள்
ஆகி விட்டார்கள்
என்று.
நீங்கள் எத்தனை பக்கங்கள் எழுதினாலும்
நீங்கள் எப்படித்தான் சிந்தனையாளர்கள் ஆகக்
காட்டிக்கொண்டாலும்.
உங்களால் நீங்கள் எழுதிய
எந்தவிடயங்களைப் பற்றியும்
மேடைகளில்
தர்க்கம் செய்ய முடியாது.
ஏனெனில்
தர்க்கம் செய்வதற்குச்
இயற்கை நுண்ணறிவு NI அறிவு தேவை.
செயற்கை நுண்ணறிவு AI அல்ல.
மேடையில்
இயற்கை நுண்ணறிவு
இல்லாவிட்டால்,
செயற்கை நுண்ணறிவு
உதவிக்கு வராது.

டொராண்டோ புத்தக்கக் கண்காட்சி உரையாடல் ஒன்று எழுப்பிய பாலை பற்றிய சிந்தனைகள்...

அண்மையில் நடந்த டொரோண்டோப் புத்தகக் கண்காட்சியில் எழுத்தாளர்கள் டிசெதமிழனும் (இளங்கோ), தேவகாந்தனும் மிகவும் தீவிரமாக எதையோ விவாதித்துக்கொண்டிருந்தார்கள். அருகில் நின்றபடியே அவர்கள்தம் உரையாடலை அவதானித்துக்கொண்டிருந்தேன். 

சுருட்டுச் சுப்பரின் திருகுதாளங்கள்: 'விட்டமின் பி என்று சொன்னதாலை' - AI & VNG -

பொப் பாடகர் நித்தி கனகரத்தினத்தின் 'கள்ளுக்குடி பக்கம் போகாதே' பாடலின் வரிகளைப் பாடி கள்ளுக்குடித்து மகிழ்கின்றார் சுருட்டுச் சுப்பர். சித்திர உருவாக்கம் : AI & VNG  [* மது அருந்துவது, சுருட்டு பிடிப்பது உடலுக்குத்  தீங்கு விளைவிக்கும்]

செம்மணிப் புதைகுழி: இடைக்கால அறிக்கை மீதான சந்தேகங்களும், சர்வதேச விசாரணையின் அவசியமும்!

பேராசிரியர் ராஜ் சோமதேவாவின் செம்மணிப் புதைகுழி பற்றிய இடைக்கால அறிக்கை இவ்விடயத்தை நீர்த்துப் போகச் செய்யும் வகையிலும், திசை திருப்பும் வகையிலும் அமைந்திருப்பது வெளிப்படை. முதலில் பின்வரும் விடயங்களைக் கவனத்தில் எடுத்திருக்க வேண்டும்:

இந்த வழக்கில் மரண தண்டனை விதிக்கப்பட்ட இராணுவ சிப்பாய் சோமரத்ன ராஜபக்ச, 1995–1996 இல் யாழ்ப்பாணம் இராணுவத்தின் கட்டுப்பாட்டிற்குள் வந்தபோது, நூற்றுக்கணக்கான தமிழர்கள் கொல்லப்பட்டு செம்மணியில் புதைக்கப்பட்டதாக நீதிமன்றத்தில் ஒப்புக்கொண்டிருக்கின்றார். இது முக்கியமான விடயம். இதனடிப்படையில்தான் செம்மணிப் புதைகுழி தோண்டப்படுதல் ஆரம்பமானது. 

டொரோண்டோ பெரும்பாகத்திலுள்ள நூலகங்களுக்கு உங்கள் நூல்களை விற்க விரும்புகின்றீர்களா?

டொரோண்டோ பெரும்பாகத்திலுள்ள நூலகங்களுக்கு உங்கள் நூல்களை விற்க விரும்புகின்றீர்களா? 

டொரோண்டோ நூலகத்தின் சேகரிப்புப் பிரிவுக்கு எழுத்தாளர்கள் நேரடியாக நூல்களை விற்பது பற்றி எழுதியிருந்தேன். உடனடியாக   மூத்த சேகரிப்பு நிபுணர் (Senior Collections Specialist)  நிக்கோல் கோக்கர் (Nicole Coker) பதில் அனுப்பியிருந்தார். மிகவும் பயனுள்ள பதில், உங்களுடன் பகிர்ந்துகொள்கின்றேன். 

நூலகத்துக்கு விற்க விரும்பும் நூல்கள் பற்றிய விபரங்களை ,  எனக்கு வந்த ஆங்கில மின்னஞ்சலை இப்பதிவின் இறுதியில் தந்திருக்கின்றேன். பாவித்துப் பயன் பெறுங்கள்.

வ.ந.கிரிதரனின் பாடல்: மண்ணும் விண்ணும்! வ.ந.கிரிதரன் குரலில், இசைத்துப் பாடுவது SUNO 5.5.

வ.ந.கிரிதரனின் பாடல்: மண்ணும் விண்ணும்!

வ.ந.கிரிதரன் குரலில், இசைத்துப் பாடுவது SUNO 5.5.

ஓவியம் - கூகுள் AI

மண்ணிலிருந்து விண்ணைப் பார்த்தவன்

விண்ணிலிருந்து மண்ணைப் பார்க்கின்றேன்.

விண்ணை அளந்து பார்க்க வேண்டும்

மண்ணை நோக்கி மகிழ வேண்டும்

என்றொரு ஆசை நெடுநாள் உண்டு

இன்று தீர்ந்தது மகிழ்ச்சியில் மிதக்கின்றேன்

ஜம்போ ஜெட்டில் பறக்க வேண்டும்.

ஜம்போ ஜெட்டை இயக்க வேண்டும்.

ஆசையைத்  தீர்த்தது Artificial Intelligence.

ஆசை தீரவே பறக்கின்றேன் இன்று.