செம்மணிப் புதைகுழி: இடைக்கால அறிக்கை மீதான சந்தேகங்களும், சர்வதேச விசாரணையின் அவசியமும்!

பேராசிரியர் ராஜ் சோமதேவாவின் செம்மணிப் புதைகுழி பற்றிய இடைக்கால அறிக்கை இவ்விடயத்தை நீர்த்துப் போகச் செய்யும் வகையிலும், திசை திருப்பும் வகையிலும் அமைந்திருப்பது வெளிப்படை. முதலில் பின்வரும் விடயங்களைக் கவனத்தில் எடுத்திருக்க வேண்டும்:

இந்த வழக்கில் மரண தண்டனை விதிக்கப்பட்ட இராணுவ சிப்பாய் சோமரத்ன ராஜபக்ச, 1995–1996 இல் யாழ்ப்பாணம் இராணுவத்தின் கட்டுப்பாட்டிற்குள் வந்தபோது, நூற்றுக்கணக்கான தமிழர்கள் கொல்லப்பட்டு செம்மணியில் புதைக்கப்பட்டதாக நீதிமன்றத்தில் ஒப்புக்கொண்டிருக்கின்றார். இது முக்கியமான விடயம். இதனடிப்படையில்தான் செம்மணிப் புதைகுழி தோண்டப்படுதல் ஆரம்பமானது. 

டொரோண்டோ பெரும்பாகத்திலுள்ள நூலகங்களுக்கு உங்கள் நூல்களை விற்க விரும்புகின்றீர்களா?

டொரோண்டோ பெரும்பாகத்திலுள்ள நூலகங்களுக்கு உங்கள் நூல்களை விற்க விரும்புகின்றீர்களா? 

டொரோண்டோ நூலகத்தின் சேகரிப்புப் பிரிவுக்கு எழுத்தாளர்கள் நேரடியாக நூல்களை விற்பது பற்றி எழுதியிருந்தேன். உடனடியாக   மூத்த சேகரிப்பு நிபுணர் (Senior Collections Specialist)  நிக்கோல் கோக்கர் (Nicole Coker) பதில் அனுப்பியிருந்தார். மிகவும் பயனுள்ள பதில், உங்களுடன் பகிர்ந்துகொள்கின்றேன். 

நூலகத்துக்கு விற்க விரும்பும் நூல்கள் பற்றிய விபரங்களை ,  எனக்கு வந்த ஆங்கில மின்னஞ்சலை இப்பதிவின் இறுதியில் தந்திருக்கின்றேன். பாவித்துப் பயன் பெறுங்கள்.

வ.ந.கிரிதரனின் பாடல்: மண்ணும் விண்ணும்! வ.ந.கிரிதரன் குரலில், இசைத்துப் பாடுவது SUNO 5.5.

வ.ந.கிரிதரனின் பாடல்: மண்ணும் விண்ணும்!

வ.ந.கிரிதரன் குரலில், இசைத்துப் பாடுவது SUNO 5.5.

ஓவியம் - கூகுள் AI

மண்ணிலிருந்து விண்ணைப் பார்த்தவன்

விண்ணிலிருந்து மண்ணைப் பார்க்கின்றேன்.

விண்ணை அளந்து பார்க்க வேண்டும்

மண்ணை நோக்கி மகிழ வேண்டும்

என்றொரு ஆசை நெடுநாள் உண்டு

இன்று தீர்ந்தது மகிழ்ச்சியில் மிதக்கின்றேன்

ஜம்போ ஜெட்டில் பறக்க வேண்டும்.

ஜம்போ ஜெட்டை இயக்க வேண்டும்.

ஆசையைத்  தீர்த்தது Artificial Intelligence.

ஆசை தீரவே பறக்கின்றேன் இன்று.

தமிழ் இலக்கியத் தோட்டத்தின் 'அ.முத்துலிங்கம் இயல் விருது 2025' நிகழ்ச்சியில் எடுத்த படங்கள், முதல் படத்தில் வாழ்நாள் சாதனையாளருக்கான இயல்விருது 2025 பெற்ற ஓவியர் ட்ராஸ்ட்கி மருது அவர்களுடன், நானும், நண்பரும் எழுத்தாளருமான டானியல் ஜீவாவும் ...

டொரோண்டோவில் , எழுத்தாளர் சுந்தர ராமசாமி!

தொண்ணூறுகளின் ஆரம்பத்தில் அல்லது எண்பதுகளின் இறுதியில் எழுத்தாளர் சுந்தர ராமசாமி டொரோண்டோ வந்திருந்தார். அவருடனான கலந்துரையாடலொன்றைத் தேடகம் அமைப்பினர் டொரோண்டோப் பல்கலைக்கழக மண்டபமொன்றில் ஏற்பாடு செய்திருந்தனர்.

எழுத்தாளர் குமார் மூர்த்தி தலைமையில் அந்நிகழ்ச்சி நடைபெற்றது.

அக்கலந்துரையாடலில் எழுத்தாளர் மு.தளையசிங்கம் பற்றி, அவரது 'ஏழாண்டு இலக்கிய வளர்ச்சி' நூலில் சு.ரா அவர்கள் தெரிவித்திருந்த கருத்தினையொட்டி நான் வினாத்தொடக்க, 'தேடகம்' சிவா அவர்கள் தொடர, வாதப்பிரதிவாதமொன்று வெடித்தது.

தேனிசைத்தென்றல் தேவா மறைந்தார்! ஆழ்ந்த இரங்கல்!

இந்த ஒரு பாட்டு போதும் இருப்புள்ளவரை இசையமைப்பாளர் 'தேனிசைத் தென்றல்' தேவாவை நினைவு கூர்வதற்கு. https://www.youtube.com/watch?v=KXM7nVYIn9csu

'பொற்காலம்' திரைப்படத்தில் இடம் பெற்றுள்ள இப்பாடல் எனக்கு மிகவும் பிடித்த பாடல்களில் ஒன்று. இசை, பாடகரின் குரல், பாடல் வரிகள், நடிப்பு அனைத்துமே சிறப்பாக அமைந்த பாடல்களில் ஒன்று இந்தப்பாடல். ஒளிப்பதிவும் கண்ணைக் கவரும் வகையில் அமைந்துள்ளது.

ஒரு டொரோண்டோ நகரவாசியின் 'கோல்டென் மைல் மீளமைப்பு' (ReNew Golden Mile) திட்டம் பற்றிய அக்கறை! - வ.ந.கிரிதரன் -

டொரோண்டோ மாநகரசபை அண்மையில் ReNew Golden Mile திட்டம் பற்றிய சுற்றுச் சூழல் மதிப்பீட்டை முடித்திருந்தது. அது பற்றிப் பொதுமக்களின் கருத்துகளையும் கேட்டிருந்தது. அது பற்றிய எனது ReNew Golden Mile திட்டம் பற்றிய அக்கறைக்குரிய கருத்துகள் இவை. இவை இத்திட்டம் பற்றி எண்ணியதும் எழுந்த எண்ணங்களின் தொகுப்பு.

நகர திட்டமிடலின் முக்கிய தத்துவம்

நவீன நகராட்சி உள்கட்டமைப்பு மேம்பாட்டின் அடிப்படை நோக்கம், தற்போது வாழும் நகர மக்களின் வாழ்க்கையை மேலும் மகிழ்ச்சியானதாகவும், மலிவானதாகவும், நிதி ரீதியாக நிலையானதாகவும் மாற்றுவதாக இருக்க வேண்டும். ஒரு நகரத்தின் வடிவமைப்பு மனித மகிழ்ச்சி, சமூக ஸ்திரத்தன்மை மற்றும் கட்டமைப்பு நல்வாழ்வைப் பாதுகாப்பதாக இருக்க வேண்டுமே தவிர, அது வெறும் கட்டுமான நிறுவனங்களின் லாபத்திற்காகவோ அல்லது நகராட்சி வரி வருவாயை அதிகரிப்பதற்காகவோ கட்டுப்பாடற்ற வணிக இயந்திரமாகவோ இருக்கக்கூடாது.

கிழக்கில் பறங்கியர்!

இலங்கையில் வாழும் பறங்கி இன மக்களைப்பற்றிய தவகரனின் இந்தக் காணொளி என் கவனத்தை ஈர்த்தது. காணொளி இன்னும் சிறப்பாக ஆய்வுக் கண்ணோட்டத்துடன் , முற்கூட்டியே நன்கு தயாரிக்கப்பட்ட வினாக்களுடன் எடுக்கப்பட்டிருந்தால் மிகவும் சிறப்பாக அமைந்திருக்கும்., இருந்தாலும் பறங்கியர் சமூகம் பற்றிய காணொளி என்னும் வகையில் இக்காணொளிக்கும் ஒரு முக்கியத்துவம் உண்டு. இது போன்ற காணொளிகள் அதிக அளவில் வெளிவர வேண்டும். எம்முடன் வாழும் ஏனைய இன மக்கள் பற்றி அறிந்து கொள்வதற்கு, புரிந்து கொள்வதற்கு இவை மிகவும் உதவியாகவிருக்கும்.

பொதுவாகப் பறங்கியர் இலங்கையை ஆட்சி செய்த ஐரோப்பியருக்கும் (போர்த்துக்கேயர், ஒல்லாந்தர் & ஆங்கிலேயர்)  இலங்கையைச் சேர்ந்த மக்களுக்குமிடையில் ஏற்பட்ட கலப்புத்திருமணத்தின் விளைவாக உருவான சந்ததியினர். ஆங்கிலத்தில் Burger என்றழைக்கப்படுகின்றார்கள்.

வ.ந.கிரிதரனின் தமிழ்ப் பாடல் வரிகள்: இருப்பு பற்றிய விசாரம்!

வ.ந.கிரிதரனின்  தமிழ்ப் பாடல் வரிகள்:  இருப்பு பற்றிய விசாரம்!

வ.ந.கிரிதரனின் குரலில் இசைத்துப் பாடுவது SUNO 5.5.AI

ஓவியம் - செயற்கை நுண்ணறிவு

என்னை எப்போதும் அலைக்கழிக்கும் கேள்வி

என்னிருப்பின் அர்த்தம் என்ன என்பதுதான்.

இங்கு வந்து ஏன் பிறந்தோம்?

இதன் அர்த்தம்தான் என்ன? என்ன?

இதற்கு விடை கிடைக்கப்  போவதில்லை.

இது நான் அறிந்த ஒன்றுதான்.

அர்த்தம் அற்ற இருப்பின் பின்னே

அர்த்தம் உண்டு என்பதை நம்புவேன்.

அதனால் எப்போதும் இருப்பினை நான்

அணுகுவேன் நேர்மறை ஆகவே, ஆமாம்.

வ.ந.கிரிதரனின் பாடல்; உயரத்தில் தெரியும் இந்தநிலா.

வ.ந.கிரிதரனின் பாடல்; உயரத்தில் தெரியும் இந்தநிலா.

வ.ந.கிரிதரன் குரலில் இசைத்துப் பாடியது SUNO 5.5

ஓவியம் - சாட்ஜிபிடி 

[வ.ந.கிரிதரன் 'யு டியூப் சானலு'டன் இணைந்து கொள்வீர். ஆதரவு வழங்குவீர்!

'பதிவுகள்' இணைய இதழ் : "அனைவருடனும் அறிவினைப் பகிர்ந்து கொள்வோம்'

'அனைவருடனும் அறிவினைப் பகிர்ந்து கொள்வோம்' என்னும் தாரக மந்திரத்துடன் , எழுத்தாளர் வ.ந.கிரிதரனை ஆசிரியராகக் கொண்டு, 2000ஆம் ஆண்டிலிருந்து வெளியாகும் இணைய இதழ் 'பதிவுகள்' இணைய இதழ்.

சிறுகதை, கவிதை, நாவல், இலக்கியம், ஆய்வு, நூல் அறிமுகம், நிகழ்ச்சி, பயணங்கள், கலை போன்ற பல பிரிவுகளில் ஆக்கங்கள் வெளியாகின்றன.

தமிழைக் கணித்தமிழ் ஆக்கிய ஆரம்பக் கால இணைய இதழ்களில் 'பதிவுகள்' இணைய இதழும் ஒன்று.

'பதிவுகள்' இணைய இதழை geotamil.com, pathivukal.com ஆகிய இணையத்தள முகவரிகளில் வாசிக்கலாம்.

உங்கள் ஆக்கங்களை, ஆக்கபூர்வமான கருத்துகளை ngiri2704@rogers.com, girinav@gmail.com & editor@pathivukal.com ஆகிய மின்னஞ்சல் முகவரிகளுக்கு அனுப்பி வைக்கலாம்.

யாழ்ப்பாணம் போவோமா?

[Disclosure: This post contains Amazon affiliate link. As an Amazon Associate, I earn from qualifying purchases.] https://link.amazon/B0dJTG1Dm

இணையத்தில் தேடியபோது யாழ்ப்பாண நகரதுக்கான பயணக்கையேடுகள் பல அமேசன் தளத்தில் காணக்கிடைத்தன.

இது இலங்கைக்கு வருகை தரும் சுற்றுலாப் பயணிகளின் கவனத்தை யாழ்ப்பாண நகரமும் ஈர்த்திருப்பதன் விளைவே. இது யாழ் மாவட்டத்தின் பொருளாதாரரீதியிலான வளர்ச்சிக்கு, இலங்கையின் வளர்ச்சிக்கு மிகுந்த பயனைத்தரக் கூடியது.

சுற்றுலாப் பயணிகளின் வருகையின் அதிகரிப்பை அங்கு வாழும் மக்கள் தம்மைப் பொருளியல்ரீதியில் நிலைநிறுத்திக்கொள்ளப் பாவிக்கலாம்.

பல்துறை ஆளுமையாளரான எழுத்தாளர் தமயந்தி சைமனைக் கெளரவித்தது நோர்வேயின் நாதாந்தம் பல்கலை மன்றம்!

எழுத்தாளர் தமயந்தி சைமன்

பல்துறை ஆளுமையாளரான எழுத்தாளர் தமயந்தி சைமனைக் கெளரவித்தது நோர்வேயின் நாதாந்தம் பல்கலை மன்றம்!

எழுத்து (கவிதை, சிறுகதை, விமர்சனம் போன்ற) , புகைப்படக்கலை, இதழியல், நாடகம், கூத்து, குறுந்திரைப்படம், சமூக, அரசியற் செயற்பாடு, சூழலியல் எனப் பன்முக ஆளுமை மிக்கவர் தமயந்தி சைமன். நோர்வே ஊடகங்களில் புகைப்படக் கலைஞராகப்பணியாற்றியவர். இவரது இயற்பெயர் சைமன் விமலராஜன். ஊர்காவற்றுறைப் பகுதியில் வாழ்ந்த புகழ்பெற்ற தென்மோடிக்கூத்துக்கலைஞர் சைமன் பத்திநாதன் அந்தோனிப்பிள்ளை இவரது தந்தை என்பதும் குறிப்பிடத்தக்கது. நோர்வேயிலிருந்து வெளியான சுவடுகள், சுமைகள் , உயிர்மெய் ஆகிய சஞ்சிகைகளில் இவரது பங்களிப்பு முக்கியமானது. இவரது இணையர் பானுபாரதியும் எழுத்தாளரே. நாடோடி, கெளசல்யன், ஜெயக்கொடி ஆகிய புனைபெயர்களிலும் எழுதியிருக்கின்றார்.

இவரது நாற்பதாண்டுக் காலக் கலை, இலக்கியப் பங்களிப்புகளுக்காக , நோர்வேயிலியங்கும் 'நாதாந்தம்' பல்கலை மன்றம் தனது வானி விழாவில் இவரைக் கெளரவித்துள்ளது. அதற்காக என் வாழ்த்துகளைத் தெரிவித்துக்கொள்கின்றேன்.

வ.ந.கிரிதரனின் பாடல்: காலைக் கதிரொளி கிழக்கில் தெரியுமே.

வ.ந.கிரிதரனின் பாடல்: காலைக் கதிரொளி கிழக்கில் தெரியுமே.

வ.ந.கிரிதரனின் குரலில் இசையமைத்துப் பாடுவது SUNO 5.5

காலைக் கதிரொளி கிழக்கில் தெரியுமே.

நாளின் பிறப்பை நமக்கெல்லாம் எடுத்துரைக்குமே

எங்கும் புத்துணர்ச்சி. எதிலும் புத்துணர்ச்சி.

பொங்கிப் பெருகும் புத்துணர்ச்சி எங்குமே.

காலையின் பண்பு புத்துணர்வு ஆகுமே.

நாளைத் தொடங்குவதற்கு நல்கும் செயலாகுமாம்.

காலைக் கதிரொளி கிழக்கில் தெரியுமே

நாளின் பிறப்பை நமக்கு எடுத்துரைக்குமே

வ.ந.கிரிதரனின் பாடல் , வ.ந.கிரிதரனின் குரலில் , இசைத்துப் பாடுவது : SUNO 5.5 AI

வ.ந.கிரிதரனின் பாடல் , வ.ந.கிரிதரனின் குரலில் , இசைத்துப் பாடுவது : SUNO 5.5 AI

கண்ணம்மா, என் கண்ணில் உன்தோற்றம்

எண்ணத்தின் விளைவா? இல்லையா கண்ணே!

பொருளென்று ஒன்றும் இல்லை என்றுகூறும்

பவுதிகத்தின் வழிநின்று பார்த்தால் கண்ணே!

அடிப்படைத் துணிக்கைகளும் சக்தியன்றோ கண்ணம்மா!

சக்தியின் நாட்டியமா நம்மிருப்பும் கண்ணம்மா!

சக்தியைப் பொருளெனப் பார்க்கும் அந்தகரா நாம்!

சொல்லம்மா என் கண்ணம்மா! சொல்லம்மா!

நாமிருவர் வேறல்ல ஒன்றுகலந்த சக்தியன்றோ!

சக்தி கலந்தநிலை காலவெளியா கண்ணம்மா!

கண்ணம்மா, என் கண்ணில் உன்தோற்றம்

எண்ணத்தின் விளைவா? இல்லையா கண்ணே!

மூலதனத்தின் மூலக்கூறுகள்: மார்க்சிய தத்துவமும் அதன் வரலாற்றுப் பயணமும்! - நுண்ணறிவு எந்திரன் -

[கார்ல் மார்க்சின் மூலதனம் கம்யூனிஸ்ட் கட்சியின் அறிக்கை பற்றிய சுருக்கமான புரிதலை , இலகுவாக, எளிமையாக நாம் அறிவது அவசியம். அதற்காக இது பற்றிய இந்தக் கட்டுரையினை கூகுள் நனோ பனானா செயற்கை நுண்ணறிவு மூலம் உருவாக்கினேன். இதனை வாசித்துப் பாருங்கள். ஏதாவது தகவற் பிழைகள் இருப்பின் அறியத்தாருங்கள். நான் வாசித்தபோது சரியான கட்டுரையாகவே இக்கட்டுரை தெரிகின்றது. இது செயற்கை நுண்ணறிவை ஆரோக்கியமாக நாம் பயன்படுத்தலாம் என்பதற்கு ஓர் உதாரணம் மட்டுமே. இச்செயற்கை நுண்ணறிவுக்கு நான் வைத்துள்ள பெயர் நுண்ணறிவு எந்திரன்.]

---

காரல் மார்க்ஸின் 'மூலதனம்' நூலின் மிக முக்கிய கோட்பாடான "உபரி மதிப்பு" (Surplus Value) என்பதை ஒரு எளிய உதாரணம் மூலம் கீழே புரிந்து கொள்ளலாம்.

மணி என்ற ஒரு தொழிலாளி, முதலாளி ஒருவருக்குச் சொந்தமான காலணி (Shoe) செய்யும் தொழிற்சாலையில் வேலை செய்கிறார் என்று வைத்துக் கொள்வோம்.

.1. உற்பத்திச் செலவு (முதலீடு)

• மூலப்பொருட்கள்: தோல், ரப்பர் மற்றும் கருவிகளுக்காக முதலாளி $20 செலவு செய்கிறார்.

• கூலி: மணியின் ஒரு நாள் முழு வேலைக்காக (8 மணிநேரம்) முதலாளி $10 கூலி தருவதாக ஒப்புக்கொள்கிறார்.

• முதலாளி போட்ட மொத்த முதலீடு = $30.

  ---

2. தொழிலாளியின் உழைப்பு

மணி தனது வேலையைத் தொடங்குகிறார். ஆச்சரியமாக, வேலைக்குச் சேர்ந்த முதல் 4 மணிநேரத்திலேயே அவர் அனைத்து மூலப்பொருட்களையும் இணைத்து ஒரு ஜோடி அழகான காலணியைச் செய்து முடித்துவிடுகிறார்.

கனடாவில் தமிழ் முதியவர்கள்!

கனடாவில் வசிக்கும் முதியவர்கள் பற்றிய விரிவான ஆய்வுகள் செய்யப்பட்டிருக்கின்றனவா நண்பர்களே! அவ்வப்போது முதியவர்கள் மாடியிலிருந்து பாய்ந்து தம்முயிரைப் போக்கும் செய்திகளைக் கேள்விப்பட்டிருக்கின்றோம். பிள்ளைகள் முதியவர்களின் ஓய்வூதியங்கள், சமூக உதவிக் கொடுப்பனவுகளைக் கையாடல் செய்வதாக அவ்வப்போது செய்திகளைக் கேள்விப்படுகின்றோம். முதியவர்கள் உழைத்து வாங்கிய வீடுகளிலிருந்து முதியவர்கள் இல்லங்களுக்கு வலிந்து அனுப்பப்படுவதாகம் கேள்விப்பட்டிருக்கின்றோம். முதியவர்கள் பலர் ஓய்வூதியம் பெற்ற நிலையிலும் தொடர்ந்தும் வேலை செய்து கொண்டிருப்பதையும் அறிந்திருக்கின்றோம்.  முதியவர்களைக் குழந்தைகள் தம் குழந்தைகளைப் பராமரிக்கும் வேலையைச் செய்யுமாறு வறுபுறுத்துவது பற்றியும் அறிந்திருக்கின்றோம்.

கனடிய அரசிடமிருந்து, டிரில்லியம் அறக்கட்டளையிலிருந்து இலட்சக்கணக்கில் நிதியுதவி பெறும் முதியவர்கள் நலன்களை மையமாக வைத்து இயங்கும் அமைப்புகள் இவ்விடயங்களிலும் கவனம் எடுத்து முதியவர்களுக்கு உதவியிருக்கின்றனவா?

நூல் பெயர்: குற்றமும் தண்டனையும் (பெங்குயின் கிளாசிக்ஸ் டீலக்ஸ் பதிப்பு) ஆசிரியர்: ஃபியோதர் தஸ்தாயெவ்ஸ்கி

[Disclosure: This post contains Amazon affiliate links. As an Amazon Associate, I earn from qualifying purchases.]

[செயற்கை நுண்ணறிவு தயாரித்தது] ஃபியோதர் தஸ்தாயெவ்ஸ்கியின் 'குற்றமும் தண்டனையும்' (Crime and Punishment) நூலின் பெங்குயின் கிளாசிக்ஸ் டீலக்ஸ் பதிப்பு விவரங்களும் அறிமுகமும் 

புத்தகத் தகவல்கள்

நூலை வாங்க  - https://amzn.to/4xJrzR7

நூல் பெயர்: குற்றமும் தண்டனையும் (பெங்குயின் கிளாசிக்ஸ் டீலக்ஸ் பதிப்பு)

ஆசிரியர்: ஃபியோதர் தஸ்தாயெவ்ஸ்கி

மொழிபெயர்ப்பாளர், அறிமுகம் மற்றும் ஆசிரியர்: ஆலிவர் ரெடி மற்றும் ஒருவர்

வடிவம்: பேப்பர்பேக் (Paperback)

மதிப்பீடுகள்: 5க்கு 4.6 நட்சத்திரங்கள் (635 பேர்), குட்ரீட்ஸ் (Goodreads) தளத்தில் 4.3 (1,160,185 மதிப்பீடுகள்).  விலை: $23.00 (அமேசான் சலுகை விவரங்களுக்கு உட்பட்டது)

விமர்சனமும் கதைக் களமும்

மதிப்புரை: "உண்மையிலேயே ஒரு சிறந்த மொழிபெயர்ப்பு... இந்த ஆங்கிலப் பதிப்பு உண்மையில் மிகச் சிறந்தது." — ஏ. என். வில்சன், தி ஸ்பெக்டேட்டர்.

கதை நாயகன்: ரஸ்கோல்னிகோவ் என்ற ஏழை மற்றும் விரக்தியான முன்னாள் மாணவன்.

களப் பின்னணி: செயின்ட் பீட்டர்ஸ்பர்க் நகரின் சேריப் பகுதிகளில் அவன் அலைகிறான்.தண்டனை: அவன் ஒரு கொலையைச் செய்கிறான். அவனுடைய சொந்தக் குற்ற உணர்ச்சி அவனைக் கருக்குழியில் தள்ளுகிறது.

மீட்பு: சோனியா என்ற எளிய பெண் மட்டுமே அவனுக்கு மீட்புக்கான வழியைக் காட்டுகிறாள்.

பெங்குயின் கிளாசிக்ஸ் சிறப்பு

65 ஆண்டுகளுக்கு மேலாகச் சிறந்த இலக்கியங்களை வழங்கி வருகிறது.

1,500 க்கும் மேற்பட்ட நூல்களைக் கொண்டுள்ளது. புகழ்பெற்ற அறிஞர்களின் முன்னுரைகள் மற்றும் குறிப்புகளுடன் நம்பகமான நூல்களை வாசகர்களுக்கு அளிக்கிறது.

நூலை வாங்க  - https://amzn.to/4xJrzR7

(என் ஆரம்பகாலச் சிறுகதைகளில் ஒன்று) சிறுகதை: போரே! நீ போய் விடு! - வ.ந.கிரிதரன் -

[- வீரகேசரி நிறுவனம் ஒருமுறை இரசிகமணி கனகசெந்திநாதன் நினைவாகக்குறுநாவல் போட்டியொன்றினை நடத்தியிருந்தது. எண்பதுகளின் இறுதிப்பகுதியில் 87/88 காலகட்டமென்று  நினைக்கின்றேன். என்னிடம் அது பற்றியுள்ள போட்டோ பிரதியில் திகதி விடுபட்டுப்போயுள்ளதால் அது பற்றி உடனடியாக நிச்சயமாகக்கூற முடியாதுள்ளது. அந்தபோட்டிக்கு அனுப்பப்பட்ட கதையிது. சிறுகதையாகக்கணிக்கப்பட்டு பிரசுரத்திற்குரியதாக நடுவர்களால் தேர்ந்தெடுக்கப்பட்ட சிறுகதையிது. நடுவர்களாக சிற்பி சரவணபவன் ,செங்கை ஆழியான் மற்றும் செம்பியன் செல்வன் ஆகியோரிருந்தனர். அக்காலகட்டத்து மனநிலையினைப் பிரதிபலிக்கும் எழுத்தென்பதால் ஒரு பதிவுக்காக இச்சிறுகதை பிரசுரமாகின்றது.  இச்சிறுகதை வீரகேசரியில் பிரசுரமானதா இல்லையா என்பது தெரிய்வில்லை. - ]

1.

வெளியிலோ இலேசாகத்தூறிக்கொண்டிருந்த மழை பெருக்கத்தொடங்கிவிட்டிருந்தது. புழுதி படர்ந்த செம்மண் சாலைகளிலிருந்து மழைத்தூறல் பட்டதால் செம்பாட்டுமண்ணின் மணம் பரவத்தொடங்கிவிட்டிருந்தது. கோவைப்பழங்களைப்போட்டி போட்டு தின்றபடியிருந்த கிளிகள் மழை பெருப்பதைக்கண்டவுடன் நனைந்த இறகுகளை ஒருமுறை சிலிர்த்துவிட்டு , விண்ணில் வட்டமடித்துவிட்டு, உறைவிடங்களை நாடிப்பறக்கத்தொடங்கின. எங்கோ தொலைவில் பயணிகள் பஸ்ஸொன்று  குலுக்கலுடன் இரைந்து செல்லுமோசை காற்றில் மெல்லவந்து காதில் நுழைந்தது.  திடீரென அமைதியாகவிருந்த வானம் ஒருமுறை மின்னிவிட்டுப் பயங்கரமாக அதிர்ந்தது.  மழை பொத்துக்கொண்டு வரப்போகின்றது. மழைக்காலம் தொடங்கி விட்டது. மழை தொடங்கி விட்டாலே வன்னி மண்ணின் பூரிப்பே தனிதான். வயிரமென நிற்கும் பாலைகள், கருங்காலிகள், முதிரைகள் கூட ஒருவித நெகிழ்வுடன் நெகிழ்ந்து நிற்கையில் , மர அணில்களோ ஒருவித எக்களிப்புடன் மாரியை வரவேற்று, கொப்புகளில் தாவித்திரியும். மணிப்புறாக்கள், சிட்டுகள், குக்குறுபான்கள்,மாம்பழத்திகள், காடைகள், கவுதாரிகள், காட்டுக்கோழிகள், ஆலாக்கள், ஊருலாத்திகள், கொண்டை விரிச்சான்கள், மயில்கள், கொக்குகள்,நாரைகள்.. பறவைகள் யாவுமே புத்துணர்வுடன் மாரியை வரவேற்றுப்பாடித்திரிகையில் ... கட்டுமீறிப்பாய்ந்து பொங்கித்ததும்பும் குளங்கள், விரால் பிடிப்பதற்காக மீனவர்களுடன் போட்டிபோடும் வெங்கணாந்திப்பாம்புகள் உண்ட அசதியில் தவிக்கும் காட்சிகள்.. மரக்கொப்புகளில் வானரங்களுக்குப் போட்டியாகத்தாவிக்குளங்களில் பாயும் சிறுவர்கள்... மாரி என்றாலே வன்னி மண்ணின் பூரிப்பே தனிதான். சொதசொதவென்று சகதியும், இலைகளுமாகக் கிடக்கும் காட்டுப்பிரதேசங்களில் மெல்லப்பதுங்கிப்பாயும் முயல்கள், அசைவற்று நிற்கும் உடும்புகள், கொப்புகளோடு கொப்புகளாக ஆடும் கண்ணாடி விரியன்கள்... இம்மண்ணினழகே தனிதான்.

மழையுடன் போட்டி போட்டபடி 'ஓ..வ்..வ்..'வென்று காற்று வேறு பெரிதாக அடிக்கத்தொடங்கிவிட்டிருந்தது. வானம் இருண்டுபோய் கன்னங்கரேலென்று பெரும் பிரளயமே வந்து விடுவது போன்றதொரு தோற்றத்தில் அந்தப்பிரதேசம் மூழ்கிக்கிடக்கின்றது.ஆன்லைன் வலைப்பூ உருவாக்கு

முள்ளியவளைக்கும், மாங்குளத்துக்கும் இடையில், நெடுங்கேணியிலிருந்து சிறிது தொலைவில் அமைந்திருந்த அந்தச்சிறு கிராமத்தில் இருந்த ஒரேயொரு பாடசாலைக்குத் தமிழ் வாத்தியாராகக் கருணாகரன் வந்து ஒருவருடம்  என்ன மாதிரி போனதென்றே தெரியவில்லை. நேரம் எவ்வளவு வேகமாக ஓடிக்கொண்டிருக்கிறது.

லண்டனில் எஸ். அகஸ்தியர் நூற்றாண்டு விழா! - நவஜோதி ஜோகரட்னம் -

எழுத்தாளர் அகஸ்தியரின் நூற்றாண்டு விழா அண்மையில் இலண்டனில் நடைபெற்றது. அந்நிகழ்ச்சி பற்றிய  குறிப்பினை அவர்தம் மகளும், எழுத்தாளருமான நவஜோதி ஜோகரட்னம் பதிவுகள் இணைய இதழில் எழுதியிருந்தார். அதனை இங்கு பகிர்ந்து கொள்கின்றேன்.

லண்டனில் எஸ். அகஸ்தியர் நூற்றாண்டு விழா!  - நவஜோதி ஜோகரட்னம்  -

   அகஸ்தியரின் 100ஆவது நூற்றாண்டு விழாவும் அவர்பற்றிய நினைவுகள் குறித்த ‘இலங்கையின் குறுமுனி தரிசனங்கள் (1926-2026) என்ற நூல் வெளியீடும் லண்டன் சென் அன்ருஸ் கோயில் மண்டபத்தில் மிகவும் சிறப்பாக இடம்பெற்றது. இலக்கிய ஆர்வலர்கள்;, ஊடகவியலாளர்கள், சமூக ஆர்வலர்கள் உறவினர்கள் மத்தியில், அகஸ்தியருக்குப்; பக்க துணையாகச் செயற்பட்ட அவரது மனைவி நவமணி அவர்களை அங்கு கௌரவித்தமை மிகுந்த கவனிப்புக்குரியதாகியது.

வ.ந.கிரிதரன் கட்டுரைகள் (தொகுப்பு மூன்று) அமேசன் - கிண்டில் மின்னூலாக வெளிவந்துள்ளது!

எனது கட்டுரைகளின் மூன்றாவது தொகுப்பான 'வ.ந.கிரிதரன் கட்டுரைகள் (தொகுப்பு மூன்று)' தற்போது அமேசன் - கிண்டில் மின்னூற் பதிப்பாக வெளியாகியுள்ளது.

முதலாவது தொகுப்பு (14 கட்டுரைகள்) இலங்கையில் ஜீவநதி பதிப்பக வெளியீடாக வெளியானது.

இரண்டாவது தொகுப்பு (52 கட்டுரைகள்) பதிவுகள்.பதிப்பக வெளியீடாக .அமேசன் - கிண்டில் மின்னூலாக வெளியானது.

தற்போது இந்த மூன்றாவது தொகுப்பு (52 கட்டுரைகள்) பதிவுகள்.காம் வெளியீடாக , அமேசன் - கிண்டில் மின்னூலாக வெளிவந்துள்ளது.

முதலாவது, இரண்டாவது தொகுப்புகள் நூலகம் தளத்திலும், இணையக் காப்பகத்திலும் (archive.org) ஆவணப்படுத்தப்பட்டுள்ளன. அவற்றை அங்கிருந்து தரவிறக்கி அல்லது அங்கேயே வாசிக்கலாம்.

அமேசன் - கிண்டில் மின்னூலுக்கான இணைப்பு - https://www.amazon.com/dp/B0HKQ2VLJW

வ.ந.கிரிதரன் பாடல் : குருமண் காடே!

வ.ந.கிரிதரன் பாடல் : குருமண் காடே!

வ.ந.கிரிதரன் குரலில் இசைத்துப் பாடுவது SUNO 5.5. AI.

ஓவியம் - கூகுள் நனோ பனானா  வழி வநகி 

என் 'குருமண்காட்டு நினைவுகள்' என்னும் நெடுங் கவிதை  இப்பாடலாக உருவெடுத்துள்ளது.  வவுனியா -மன்னார் பிரதான வீதியிலிருந்து (பட்டாணிச்சுப் புளியங்குளத்தினருகில்) வடக்காகச் செல்லும் வீதியிலுள்ள பிரதேசம் குருமண்காடு என்றழைக்கப்படுகின்றது. அதில்தான் என் பால்ய பருவம் கழிந்தது. அறுபதுகளில் அதுவோர் ஒற்றையடிப்பாதை. இன்றோ ஒரு நகரம். அந்த நாள் குருமண்காடு இன்று என் நினைவில் மட்டும். 

நனவிடை தோய்கின்றேன். . நான்

நனவிடை தோய்கின்றேன்.

நனவிடை தோய்கின்றேன்.

நனவிடை தோய்கின்றேன்.

என் குருமண்காடு இன்றில்லை. அங்கு

என் குருமண்காடு இன்றில்லை

இயற்கையின் வனப்பில்

இலங்கிய குருமண்காடு.

நடை பயின்றேன்.

கடற்புள்ளே (வ.ந.கிரிதரனின் பாடல்கள் தொகுப்பு மூன்று)

'கடற்புள்ளே (வ.ந.கிரிதரனின் பாடல்கள் தொகுப்பு மூன்று)

'கடற்புள்ளே!' எனது முகநூல், யு டியூப் சானல்களுக்காக எழுதப்பட்ட என் பாடல்களின் மூன்றாவது தொகுப்பு. 45 பாடல்களை உள்ளடக்கியது. அண்மையில் அமேசன் - கிண்டில் மின்னூற் பதிப்பாக வெளியான இந்த மின்னூல் தற்போது நூலகம் தளத்தில் ஆவணப்படுத்தப்பட்டுள்ளது. நூலை வாசிக்க -

https://noolaham.net/project/1379/137801/137801.pdf

எனது, 'வ.ந.கிரிதரனின் பாடல்கள்' , யு டியூப் சானலில் , SUNO 5.5 செயற்கை அறிவு மூலம் இசையமைக்கப்பட்டு, குரல் கொடுக்கப்பட்டு பதிவேற்றப்பட்டுள்ளன. இங்குள்ள பாடல்கள் அந்தச் 'சான'லுக்காக எழுதப்பட்டவை. நேரம் கிடைக்கும்போது சென்று கேளுங்கள். ஆரோக்கியமான உங்கள் கருத்துகளைப் பகிர்ந்து கொள்ளூங்கள். பிடித்திருந்தால் 'சான'லை subscribe செய்து கொள்ளுங்கள். எதிர்காலத்தில் நான் பதிவிடப் போகும் பாடல்களைக் கேட்பதற்கு அது உதவியாகவிருக்கும். பாவிக்கப்பட்ட ஓவியங்கள் கூகுள் நனோ பனானா , சாட் ஜிபிடி போன்ற செயற்கை நுண்ணறிவுத் தொழில் நுட்பங்கள் மூலம் உருவாக்கப்பட்டவை.

எனது யு டியூப் சானலுக்கான இணையத்தள முகவரி: https://www.youtube.com/@girinav1

கவிஞர் கந்தவனத்தின் 'ஹைக்கூக் கவிதைகள்' பற்றிய கட்டுரை பற்றி....

கவிஞர் கந்தவனம் அவர்கள்  10.2.1995 வெளியான 'தாயகம்' சஞ்சிகையில்  'ஹைக்கூக் கவிதைகள்' என்றொரு கட்டுரை எழுதியிருக்கின்றார். முனைவர் நிர்மலா சுரேஷ் முனைவர் பட்டத்திற்காக , சென்னைப் பல்கலைக்கழகத்துக்கு 'ஹைக்கூக் கவிதைகள்' என்னும் பொருளில் அளித்த ஆய்வுக்கட்டுரையைத் தழுவி, கட்டுரையின் பெரும்பகுதி  எழுதப்பட்டதாகக் கட்டுரையின் இறுதியில் குறிப்பிட்டிருக்கின்றார் கவிஞர்.)

ஹைக்கூக் கவிதைகள் பற்றிக் கவிஞர் கூறியுள்ள முக்கிய கருத்துகள் வருமாறு:

கவிஞர் கந்தவனம்

"ஹைக்கூ என்பது ஒருவகை யப்பானியக் கவிதை.  யப்பானிய மொழிப் பன்மையில் 'ஹைக்கூ'  'கவிதைகள்' பொருளில் வழங்குகின்றது.  ஒருமையில் அது ஹைக்கூக் கவிஞர்களைக்  குறிக்கும். ஆயின்  சொல்லின் அடிப்பொருளை ஆராயின் 'கருப்போன்றும் உயிரணுப்போன்றும் உருவானதொரு கவிதை' என்னும் பொருள் வெளிப்படுவதைக் காணலாம்.

அளவால் ஹைக்கூ  5 - 7 - 5 அசைகளைக் கொண்ட மூன்று வரிக் கவிதை.  ஆயின் அதன் பொருள் தோண்டத் தோண்டத் தூண்டும் தங்கச் சுரங்கத்தைப் போன்றது... இவ்வித விளக்கப்பாட்டுக்குக் ஹைக்கூக் கவிதையை வளர்த்தெடுத்த பெருமை பாஷோ, பூசன் , ஐசா, ஷிகி போன்ற கவிஞர்களுக்குரியது.

இரண்டாவது ஆவது உலகத் தொல்காப்பிய ஆராய்ச்சி மாநாடு – 2026

இரண்டாவது ஆவது உலகத் தொல்காப்பிய ஆராய்ச்சி மாநாடு வரும் செப்டம்பர் 19, 20 ஆம் திகதிகளில் மார்க்கம் (கனடா) நகரில் நடைபெறவுள்ளது. நிகழ்ச்சி சிறப்பாக நடந்திட வாழ்த்துகள். [(https://www.tolkappiyam.ca/ ]

இரண்டாவது ஆவது உலகத் தொல்காப்பிய ஆராய்ச்சி மாநாடு – 2026

நாள்: 19, 20 செப்டம்பர், 2026 | இடம்: Bill Hogarth Secondary School, 100 Donald Sim Avenue, Markham, ON L6B 0R4

மாநாட்டிற்கான நோக்கம் - தொல்காப்பியத்தின் பெருமையைத் தமிழினத்தோடு பிற சமூகத்தினரும் அறியும்படிச் செய்தல். தொல்காப்பியத்தின் அனைத்துச் சிறப்புகளையும் ஒருங்கே தொகுத்தல். இளைஞர்கள் மத்தியில் “தொல்காப்பியத்தை நாம் ஏன் கற்க வேண்டும்” என்று எழும் வினாவிற்குப் பரந்த விளக்கம் கொடுத்தல். தொல்காப்பியத்தைக் கற்க-கற்பிக்க, கொண்டாட-பரவலாக்கம் செய்வதற்கான காரணங்களை முழுமையகாகத் தொகுத்தல். தொல்காப்பியத்தையும் உலகளாவியத் தொல்காப்பிய ஆய்வறிஞர்களையும் ஆய்வுகளையும் இளைய தலைமுறையினருக்கு அறிமுகப்படுத்துதல்.

[(https://www.tolkappiyam.ca/ ]

வ.ந.கிரிதரன் பாடல் : 'இரவு மழை பிடித்த இயற்கை நிகழ்வு'

வ.ந.கிரிதரன் பாடல் : 'இரவு மழை பிடித்த இயற்கை நிகழ்வு'

இசையமைத்துப் பாடுவது SUNO 5.5. AI   டிஜிட்டல் ஓவியம் - கூகுள் நனோ பனானா வழி வநகி 

இரவு வானும் மழையும் என்றால்

இன்பத்தில் ஆழ்த்தும் இயற்கை நிகழ்வே.

இரவு மழையென்றால் இரசித்தபடி இருப்பேன்.

இரவு மழைநேரம் மகிழ்ச்சியில் மிதப்பேன்.

இயற்கை நிகழ்வுகளில் பிடித்த நிகழ்வு

இரவு மழைதான் என்றே கூறுவேன்.

வ.ந.கிரிதரன் பாடல் : 'இரவு மழை பிடித்த இயற்கை நிகழ்வு'

வ.ந.கிரிதரன் பாடல் : 'இரவு மழை பிடித்த இயற்கை நிகழ்வு'

வ.ந.கிரிதரன் குரலில் இசையமைத்துப் பாடுவது SUNO 5.5. AI   டிஜிட்டல் ஓவியம் - கூகுள் நனோ பனானா வழி வநகி 

இரவு வானும் மழையும் என்றால்

இன்பத்தில் ஆழ்த்தும் இயற்கை நிகழ்வே.

இரவு மழையென்றால் இரசித்தபடி இருப்பேன்.

இரவு மழைநேரம் மகிழ்ச்சியில் மிதப்பேன்.

இயற்கை நிகழ்வுகளில் பிடித்த நிகழ்வு

இரவு மழைதான் என்றே கூறுவேன்.

என்னைக்கவர்ந்த எஸ்.கே.பொற்றேகாட்டின் 'ஒரு கிராமத்தின் கதை'! - வ.ந.கிரிதரன் -

என்னைக் கவர்ந்த இன்னுமொரு முக்கியமான நாவல் எஸ்.கே.பொற்றேகாட்டின் 'ஒரு கிராமத்தின் கதை'.  சி.ஏ.பாலனின் சிறப்பான மொழிபெயர்ப்பில் , இந்திய மத்திய அரசின் சாகித்திய அகாதெமி வெளியிட்ட நாவல்.  எஸ்.கே.பொற்றேகாட்டிற்கு சாகித்திய, ஞானபீட விருதுகளைப் பெற்றுக்கொடுத்த நாவல்.

'ஒரு கிராமத்தின் கதை' நாயகனான சீதரனோ சமூக, பொருளியற் சூழல் காரணமாக நீங்கினான். வடக்கு இந்தியா தொடக்கம் ஐரோப்பா வரையில் அலைந்து திரிந்து முதியவனாக மீண்டும்  தன் கிராமத்துக்கு வருகின்றான். அவன் மீண்டும் ஊர் திரும்பியபோது அவன் கண்ட அவனது கிராமமான 'அதிராணிப்பாடம்' முற்றிலும் மாறிப்போயிருந்தது. அவன் பால்யப் பருவத்து நினைவுகளைத் தாங்கி நின்ற பகுதிகள் எல்லாம் காணாமல் போயிருந்தன. அவ்வூரின் உயிர்த்துடிப்பாக விளங்கிய மனிதர்கள், அவன் வாழ்வின் பால்ய, பதின்மப் பருவத்தில் இடம் பெற்றிருந்த மனிதர்கள்  பலரும் காணாமல் போயிருந்தார்கள். அவனது நினைவெல்லாம் நிறைந்திருந்த மண்ணைக் காண அவன் எத்துணை ஆர்வத்துடன் மீண்டும் திரும்பி வந்தான். வந்தபோதுதான் உணர்ந்தான் அவன் நினைவில் நிற்கும் அவனது அதிராணிப்பாடம் அங்கில்லை. அங்கிருந்தது உலகமயமாக்கலின் விளைவாக உருவான கால மாறுதல்களைத்  தாங்கி நிற்கும் அவனுக்கு அந்நியமான அதிராணிப்பாடம். 

செம்மீன் பற்றி எழுத்தாளர் பொ.கருணாகரமூர்த்தியின் கருத்தும் , என் எதிர்வினையும்!

தகழி சிவசங்கரப் பிள்ளை

எனக்குப் பிடித்த 10 நாவல்கள் பற்றியொரு முகநூற் பதிவு இட்டிருந்தேன். அதற்கு எதிர்வினையாற்றியிருந்த நண்பர் Tamil Journalist நான் குறிப்பிடாத தகழியின் செம்மீன் நாவல் பற்றியும் குறிப்பிட்டிருந்தார். அதைக்கையிலெடுத்த எழுத்தாளர் பொ.கருணாகரமூர்த்தி பின்வருமாறு ஒரு கருத்தினை இட்டிருந்தார்:

"Karunaharamoorthy Ponniah - தகழியாருக்குப் போதிய கடலனுபவங்கள் இல்லையென்று நினைக்கிறேன், இருந்தால் செம்மீன் (இறால்) ஆழ்கடலில் அதிகம் இருப்பதாக எழுதியிருக்கமாட்டார். இறால் ஆழங்குறைவான Lagoons / காயல்கள்/ கடலேரிகள்/ பரவைக்கடல்களில்த்தானே அதிகமாகக் கிடைக்கும்."

இதற்கு என் எதிர்வினை இதுதான்:

"நண்பரே, மிகவும் அவசரப்படுகின்றீர்கள். முட்டையில் மயிர் பிடுங்குதல் போல் ஏதாவது சிறு பிழையாவது தென்படாதா என்று பார்த்துக்கொண்டு நாவலைப் படித்தால், நாவலை உங்களால் சுவைக்க முடியாது போய்விடும். கடல் அனுபவம் தகழிக்கல்ல உங்களுக்குத்தான் இல்லையென்பதை இக்கூற்று எடுத்துக்காட்டுகிறது.

செம்மீன் நாவலில் அதிகம் பேசப்பட்டிருப்பது ஆழ்கடல் மீன் பிடித்தல் பற்றியே. சுறா மீன் பிடிப்பது பற்றிப் பல இடங்களில் வருகிறது. இறுதியில் கருத்தம்மாவின் கணவன் பழனியும் சுறா மீனைப் பிடிக்கின்றான். அதுவும் தூண்டிலை விழுங்கி இறந்த நிலையில்கரையொதுங்குகிறது.

நாவலில் சாகரப் பருவம் பற்றிப்பேசப்படுகின்றது. தென் மேற்குப் பருவப் பெயர்ச்சிக் காலம். அக்காலகட்டத்தில் நிறைய சத்துள்ள பொருட்களை உள்ளடக்கிய நீர் கடலின் கடற்கரைப் பகுதிகளில் அதிகமாகும், அச்சமயங்களில் அப்பகுதியில் செம்மீன்கள் அதிகமாகும். அவை உண்ணும் சத்துள்ள உணவான கடற்தாவரங்களில் செழிக்கும் காலம் அது. சாகரப்பருவம் பற்றியும் ,செம்மீன் பிடித்தல் பற்றியும் அதிக இடங்களில் நாவல் விபரிக்கவில்லை. ஆழ்கடல் மீன் பிடிப்பு பற்றித்தான் அதிகம் விபரிக்கின்றது."

இது பற்றி உங்கள் புரிதல் என்ன? கருணாகரமூர்த்தியின் கருத்து , அது பற்றிய என் கருத்து பற்றிய உங்கள் கருத்தென்ன? பகிர்ந்து கொள்ளுங்கள் நண்பர்களே!"