'நல்லவன் வாழ்வான்' திரைப்படத்தின் மூலக்கதை நா.பாண்டுரங்கனுடையது. திரைக்கதை வசனம் எழுதியிருப்பவர் அறிஞர் அண்ணா. டி.ஆர்.பாப்பாவின் இசையில் ஒலிக்கும் இப்பாடலை எழுதியிருப்பவர் கவிஞர் வாலி. இதுதான் அவர் எம்ஜிஆரின் படத்துக்கு எழுதிய முதலாவது பாடலென்று அறிகின்றேன்.
கவிஞர் வாலி எம்ஜிஆருக்குப் பொருத்தமாக வரிகளை எழுதுவதில் வல்லவர். அதனால் எம்ஜிஆர் இதயத்தில் நல்லவராக இடம் பிடித்தவர். இப்பாடலில் வரும் பின்வரும் வரிகள் எவ்வளவு அழகாகக் காதல் வரிகளுக்குள் கட்சிப் பிரச்சாரத்தைச் செய்கின்றன;
"அன்புத் திருமுகம் காணாமல் -
காலப் புயலில் அணையாமல் -
நெஞ்சில்காதல் விளக்கை ஏந்தி வந்தேன்
உதய சூரியன் எதிரில் இருக்கையில்
உள்ளத்தாமரை மலராதோ ?
உள்ளத்தாமரை மலராதோ ?
எதையும் தாங்கும் இதயம் இருந்தால்
எம்ஜிஆர் , ராஜசுலோசனா நடிப்பில் ஒலிக்கும் காலத்தால் அழியாத கானங்களில் ஒன்றான இப்பாடலைப் பாடியிருப்பவர்கள் சீர்காழி கோவிந்தராஜன் & பி.சுசீலா.
இப்பாடலில் வரும் இன்னுமொரு பாடலும் சுவையானது. பார்ப்பதற்கு, கேட்பதற்கு இனிமையானது. அது 'குற்றால அருவியிலே குளித்ததுபோல் இருக்குதாம்' .
செந்தளிப்பான , சிரிக்கும் எம்ஜிஆர், ராஜசுலோசனவாவின் முகங்களைக் 'குளோசப்' காட்சிகளாகக் கறுப்பு வெள்ளையில் பார்ப்பதிலுள்ள சுகமே தனி.
No comments:
Post a Comment