ஹெமிங்வேயின் 'கிழவனும் கடலும்'

ஏர்னஸ்ட் ஹெமிங்வேயின் 'கிழவனும் கடலும்' (The Old Man and The Sea) உலக இலக்கியத்தில் முக்கியமான நாவல். இது ஒரு விரிந்து பரந்த நாவலல்ல. சிறியதொரு நாவல். இந்நாவல் ஹெமிங்வேயிற்கு புலியட்சர் பரிசைப் பெற்றுத்தந்தது. நோபல் பரிசினையும் பெற்றுத்தந்தது. ரொபின்சன் குரூசோ, மோபி டிக் போன்று கடலுடன் சம்பந்தப்பட்ட நாவல் மட்டுமல்ல , அவற்றைபோல் மானுட இருப்பின் குறியீடாக விளங்குமொரு நாவல்.

இந்நாவலில் வரும் சண்டியாகோக் கிழவன் மறக்க முடியாத பாத்திரம். இந்நாவல் முதுமையைப்பற்றிப் பேசுகிறது. நட்பைப் பற்றிப் பேசுகிறது. பாசத்தைப் பற்றிப் பேசுகிறது. சக உயிர்களைப்பற்றிப் பேசுகிறது.  உயிர்களின் விடா முயற்சி பற்றிப் பேசுகிறது. இயற்கையைப்பற்றிப் பேசுகிறது. மானுட இருப்பு பற்றிப் பேசுகிறது.

ஹெமிங்வேயின் நடை சிறப்பு மிக்கது.ம் தனித்துவமானது. வாசகர்களைக் கட்டிப்போட்டு விடுவது.

ஒரு நாவலின் வெற்றிக்கு அதன் பக்கங்களின் எண்ணிக்கை காரணமல்ல என்பதை வெளிப்படுத்தும் சிறுநாவல் 'கிழவனும்,கடலும்).அண்மையில் இந்நாவலின் தொலைக்காட்சித் திரைப்படத்தைப் பார்த்தேன். எனக்கு மிகவும் பிடித்த நடிகர்களில் ஒருவரான அந்தனி குயீன் சந்தியாகவாக நடித்திருப்பார். பிடித்த நாவலொன்றின் திரைப்பட வடிவில் பிடித்த நடிகர் ஒருவர் நடித்திருப்பது 'ஒரு கல்லில் இரு மாங்காய்'.

திரைப்படத்தைப் பார்த்துக் களிக்க - https://www.youtube.com/watch?v=Vi15biCGXOs

நூலை வாசிக்க -  https://ia802302.us.archive.org/22/items/the-old-man-and-the-sea-ernest-hemingway/The%20Old%20Man%20And%20The%20Sea_Ernest%20Hemingway.pdf