எண்ணம் நிறைவேறும் - வ.ந.கிரிதரன் -

- இசை & குரல்: AI SUNO -

இது ஒரு காதல் பாடல். காதலர்கள் உரையாடுவது போன்று அமைந்த பாடல். ஆண், பெண் குரலை வேறு படுத்திக் காட்டுவதில் SUNO சிரமம் தருகின்றது. நண்பர்களே! ஆணும், பெண்ணும் இணைந்து பாடுகையில்; , குரல்களை வேறுபடுத்திப் பாடலை SUNO மூலம் இலகுவாக உருவாக்கும் வழிகள் உள்ளனவா? அநேகமான சமயங்களில் SUNO குரல்களை மாற்றி விடுகின்றது. யு டியூப்பில் கேட்க - https://www.youtube.com/watch?v=xJ4HZTrBaXA

ஆண்:

எங்கோ பிறந்தாய். அன்பே! எங்கோ வளர்ந்தாய்.
இங்கு வந்தாய். என் மனம் கவர்ந்தாய்.
நேற்று வரை உன்னை அறியேன் அன்பே.
இன்றோ என்னில் பாதி.
பெண்:

யார் கூட்டி வைத்தார் நம்மை
கூட்டி வைத்தவர் உறவைக்
குலைத்து வைத்ததும் ஏனோ?
கலைத்து வைத்ததும் ஏனோ?

ஆண்:

உண்மை உறவு கலைவதில்லை.
உண்மை உறவு குலைவதில்லை.
உண்மை என்னை நம்பு. கண்னே.
உண்மை என்னை நம்பு.

பெண்:

அன்பே.
அந்த நம்பிக்கையில் வாழ்கின்றேன்.
இந்தப் பிறப்பில் நீயே என் துணை.
எந்தப் பிறப்பிலும் நீயே துணையாகச்
சொந்தம் தொடரவே மனம் விரும்புகிறது.

ஆண்:

அன்பே.
பிரிவு நீங்கி உன்னைச் சேர்வேன்.
தெரிவை உன் எண்ணம் நிறைவேறும்.
என் எண்ணம் உண்மையாயின் அன்பே
உன்னை நான் நிச்சயம் சேர்வேன்.

பெண்:

அன்பே.
உன் சொற்கள்
என் நெஞ்சின் சூட்டைத் தணித்தன,.
என் எண்ணமும் அதுவே.
நல்லது நடக்கும் அன்பே.
நல்லதையே நினைப்போம்.
அல்லவை தூர ஓடட்டும் அன்பே.
நல்லவை நம்மை நாடி வரட்டும்.

ஆண்:

எங்கோ பிறந்தாய். அன்பே! எங்கோ வளர்ந்தாய்.
இங்கு வந்தாய். என் மனம் கவர்ந்தாய்.
நேற்று வரை உன்னை அறியேன் அன்பே.
இன்றோ என்னில் பாதி.

எம் எண்ணம் நிறைவேறும்.
நம் எண்ணம் நிறைவேறும்.
இனியவற்றை எண்ணுவோம். நாம்
இன்பத்துடன் இருப்போம்.